ຂໍ້​ກຳ​ນົດ ແລະ ເງື່ອນ​ໄຂ

ແອັບ TAFU Plus ແມ່ນ​ຜະ​ລິດ​ຕະ​ພັນ​ຂອງ ກຸ່ມ​ບໍ​ລິ​ສັດ ຕ້າ​ຟູ່ ການ​ຄ້າ​ສາ​ກົນ ຈຳ​ກັດ​ຜູ້​ດຽວ ເຊິ່ງ​ເປັນແອັບພິເຄຊັ່ນ ທີ່​ອຳ​ນວຍ​ຄວາມ​ສະ​ດວກ​ຫຼາຍ​ດ້ານ​ໃຫ້​ແກ່ການ​ບໍ​ລິ​ການ​ລູກ​ຄ້າ

1. ຂໍ້​ມູນ​ສ່ວນ​ຕົວ​ຂອງ​ຜູ້​ໃຊ້

ບໍ​ລິ​ສັດ ຈຳ​ເປັນ​ຕ້ອງ​ເກັບ​ຂໍ້​ມູນ​ພື້ນ​ຖານ​ທີ່​ກົງ​ກັບ​ຂໍ້​ມູນ​ສ່ວນ​ຕົວ, ເບີ​ໂທ​ລະ​ສັບ ແລະ ອື່ນໆ ຂອງ​ລູກ​ຄ້າ​ທີ່​ໃຊ້​ບໍ​ລິ​ການ ເພື່ອ​ອຳ​ນວຍ​ຄວາມ​ສະ​ດວກ​ໃນ​ການ​ເຮັດ​ທຸ​ລະ​ກຳ ແລະ ແກ້​ໄຂ​ປັນ​ຫາ​ຕ່າງໆ. ຂໍ້​ມູນ​ທັງ​ໝົດ​ຈະ​ຖືກ​ເກັບ​ກຳ​ໄວ້​ເປັນ​ຄວາມ​ລັບ ແລະ ບໍ່​ຖືກ​ເປີດ​ເຜີຍ​ໃຫ້​ຜູ້​ອື່ນ.

2. ເງື່ອນໄຂການແນະນຳໝູ່

• ທ່ານຈະໄດ້ຮັບເງິນຄ່າແນະນຳໝູ່ 5% ຫຼື ຕາມທີ່ບໍລິສັດກຳນົດໃຫ້ຈາກຍອດການຊື້ເລກແຕ່ລະບິນຂອງໝູ່ທີ່ທ່ານແນະນຳ
• ທ່ານສາມາດແນະນຳໝູ່ໄດ້ 2 ຊັ້ນ ແລະ ສາມາດກຳນົດ % ສ່ວນແບ່ງໄດ້ເອງ
• ເງິນຄ່າແນະນຳຈະຖືກໂອນເຂົ້າບັນຊີທະນາຄານທີ່ທ່ານຜູກກັບລະບົບ ທຸກວັນອາທິດ ຍອດຂັ້ນຕ່ຳ 200,000ກີບ ຂື້ນໄປ ຫາກຍອດບໍ່ຮອດຂັ້ນຕ່ຳທີ່ກຳນົດໄວ້ ຍອດນັ້ນຈະຖືກລວມກັບເງິນໃນອາທິດຕໍ່ໄປ
• ບໍລິສັດຂໍສະງວນສິດໃນການປ່ຽນແປງເງື່ອນໄຂໂດຍບໍ່ຕ້ອງແຈ້ງໃຫ້ຮູ້ລ່ວງໜ້າ

3. ຄວາມ​ຮັບ​ຜິດ​ຊອບ​ຂອງ​ຜູ້​ໃຊ້​ບໍ​ລິ​ການ

ຜູ້​ໃຊ້​ຕ້ອງ​ຮັບ​ຜິດ​ຊອບ​ຕໍ່​ຜົນ​ເສຍ​ຫາຍ​ທີ່​ເກີດ​ຈາກ​ຄວາມ​ຜິດ​ພາດ​ຂອງ​ຕົນ ໂດຍ​ອີງ​ຕາມ​ຂໍ້​ກຳ​ນົດ, ນະ​ໂຍ​ບາຍ, ເງື່ອນ​ໄຂ​ຂອງ​ການ​ບໍ​ລິ​ການ ແລະ ກົດ​ໝາຍ​ຂອງ ສ​ປ​ປ ລາວ.

4. ຄວາມ​ຮັບ​ຜິດ​ຊອບ​ຂອງ​ບໍ​ລິ​ສັດ

ບໍ​ລິ​ສັດ ຈະ​ຮັບ​ຜິດ​ຊອບ​ເລື່ອງຄ່າ​ເສຍ​ຫາຍ​ທີ່​ເກີດ​ຈາກ​ການ​ໃຫ້​ບໍ​ລິ​ການ​ພາຍ​ໃຕ້​ກົດ​ໝາຍ​ຂອງ ສ​ປ​ປ ລາວ.

5. ຂໍ້​ຫ້າມ

• ຫ້າມ​ສໍ້​ໂກງ, ຍັກ​ຍອກ​ຊັບ ຫຼື ສ້າງ​ບັນ​ຫາ​ຜິດ​ກົດ​ໝາຍ
• ຫ້າມ​ນຳ​ໃຊ້​ແອັບ​ເພື່ອ​ການ​ຈຳ​ໜ່າຍ​ຫວຍ​ເຖື່ອນ
• ບໍ​ລິ​ສັດ​ສະ​ຫງວນ​ສິດ​ໃນ​ການ​ປ່ຽນ​ແປງ​ຂໍ້​ກຳ​ນົດ ແລະ ນະ​ໂຍ​ບາຍ​ໂດຍ​ບໍ່​ແຈ້ງ​ລ່ວງ​ໜ້າ

6. ກິດຈະກຳພິເສດ

ຄຳອະທິບາຍ

Coin
ຄອຍນ໌ ໃຊ້ສຳຫຼັບເປັນສ່ວນຫຼຸດຕາມຈຳນວນເງິນກີບ ໂດຍສາມາດນຳໃຊ້ໄດ້ບໍ່ເກີນ 20% ຕໍ່ 1 ບິນ ຫຼື ຕາມທີ່ບໍລິສັດກຳນົດ

Point
Point ຫຼື ຄະແນນ ແມ່ນຄະແນນທີ່ໄດ້ຮັບຈາກການຊື້ບິນ ຫຼື ການເຊັກອິນປະຈຳວັນ ຊື້ບິນ 100 ກີບ ຈະໄດ້ຮັບ 1 Point ຫຼື ຊື້ບິນ 10,000 ກີບ ຈະໄດ້ຮັບ 100 Point (ຄິດໄລ່ຈາກລາຄາເຕັມຂອງບິນ ໂດຍບໍ່ຫັກສ່ວນຫຼຸດ) ຕົວຢ່າງ: ຖ້າຜູ້ໃຊ້ຊື້ສິນຄ້າ 10,000 ກີບ ແລະ ໄດ້ຮັບສ່ວນຫຼຸດ 1,000 ກີບ ຈ່າຍຕົວຈິງ 9,000 ກີບ ລະບົບຈະຍັງຄິດໄລ່ຄະແນນຈາກ 10,000 ກີບ ດັ່ງນັ້ນຜູ້ໃຊ້ຈະໄດ້ຮັບ 100 Point

Token
ໂທເຄັນ ແມ່ນຫຼຽນທີ່ແປງມາຈາກ Point ຫຼື ຄະແນນ 100 Point = 1 Token ລະບົບຈະແປງ Point ເປັນ Token ໃຫ້ໂດຍອັດຕະໂນມັດ ແລະ ໃຫ້ຜູ້ໃຊ້ສະສົມ Point ໃໝ່ຕໍ່ໄປ Token ສາມາດນຳໄປໃຊ້ກັບການໝຸນວົງລໍ້ລຸ້ນໂຊກ ໂດຍ 1 Token ສາມາດໝຸນວົງລໍ້ໄດ້ 1 ຄັ້ງ ຂອງລາງວັນອາດເປັນ Coin, Point ຫຼື ອາດໄດ້ຮັບ Token ກັບຄືນເພື່ອໝຸນອີກຄັ້ງ ນອກນັ້ນຍັງມີລາງວັນໃຫຍ່ ເຊັ່ນ ລົດຈັກໄຟຟ້າ, ໂທລະສັບມືຖື ຫຼື ສາຍຄໍຄຳ ໃນກໍລະນີນີ້ ພະນັກງານຈະຕິດຕໍ່ຫາຜູ້ທີ່ໄດ້ຮັບລາງວັນເພື່ອມອບລາງວັນ

ລະບົບເຊັກຊື່ປະຈຳວັນ
ເປັນລະບົບທີ່ໃຫ້ຜູ້ໃຊ້ໄດ້ຮັບ Point ຫຼື ຄະແນນຟຣີທຸກມື້ ພຽງແຕ່ເຂົ້າມາໃຊ້ງານລະບົບ ແລະ ໄປທີ່ເມນູເຊັກຊື່ປະຈຳວັນ ໂດຍຈະໄດ້ຮັບຄະແນນດັ່ງນີ້

• ວັນທີ 1 - 10 ຄະແນນ
• ວັນທີ 2 - 20 ຄະແນນ
• ວັນທີ 3 - 20 ຄະແນນ
• ວັນທີ 4 - 50 ຄະແນນ
• ວັນທີ 5 - 50 ຄະແນນ
• ວັນທີ 6 - 50 ຄະແນນ
• ວັນທີ 7 - 100 ຄະແນນ

(ຄະແນນທີ່ໄດ້ຮັບໃນແຕ່ລະມື້ ອາດມີການປ່ຽນແປງຕາມທີ່ບໍລິສັດກຳນົດ)

ຖ້າຜູ້ໃຊ້ເຊັກອິນທຸກມື້ຈົນຄົບ 7 ມື້ ຈະໄດ້ຮັບລວມ 300 ຄະແນນ ຫຼື ເທົ່າກັບ 3 Token ຫຼັງຈາກນັ້ນ ຜູ້ໃຊ້ຈະກັບໄປເຊັກອິນເລີ່ມທີ່ ວັນທີ 1 ອີກຄັ້ງໃນມື້ຖັດໄປ

ກໍລະນີຜູ້ໃຊ້ລືມເຊັກອິນ ລະບົບຈະໃຫ້ກັບໄປເລີ່ມເຊັກອິນຈາກ ວັນທີ 1 ໃໝ່ ຕົວຢ່າງ: ຜູ້ໃຊ້ເຊັກອິນຕໍ່ເນື່ອງມາ 4 ມື້ ແລ້ວ ແຕ່ໃນວັນທີ 5 ບໍ່ໄດ້ເຂົ້າມາເຊັກອິນ ໃນມື້ຖັດໄປທີ່ເຂົ້າມາໃຊ້ງານ ຜູ້ໃຊ້ຈະຕ້ອງເລີ່ມເຊັກອິນຈາກ ວັນທີ 1 ໃໝ່

ເງື່ອນໄຂການໄດ້ຮັບ Point

1. ລູກຄ້າຊື້ສິນຄ້າຄົບ 1,000 ກີບ ຈະໄດ້ຮັບ 10 Point
2. Point ທີ່ໄດ້ຮັບຈະຖືກໂອນເຂົ້າກະເປົາ Point ຂອງລູກຄ້າ ໂດຍອັດຕະໂນມັດ ເພື່ອໃຊ້ສະສົມ ແລະ ແລກເປັນ Token ຕາມເງື່ອນໄຂທີ່ບໍລິສັດກຳນົດ
3. Point ທີ່ໄດ້ຮັບ ບໍ່ສາມາດແລກ, ປ່ຽນ ຫຼື ຖອນເປັນເງິນສົດ, ເຄຣດິດ ຫຼື ສິດປະໂຫຍດອື່ນໆ ນອກເໜືອຈາກທີ່ບໍລິສັດກຳນົດ
4. ບໍລິສັດຂໍສະຫງວນສິດໃນການ ປ່ຽນແປງຈຳນວນ Point, ເງື່ອນໄຂການສະສົມ ຫຼື ການແລກສິດປະໂຫຍດ ໄດ້ຕາມຄວາມເໝາະສົມ ໂດຍ ບໍ່ຈຳເປັນຕ້ອງແຈ້ງໃຫ້ຊາບລ່ວງໜ້າ

ກົດລະບຽບການໝຸນວົງລໍ້ລຸ້ນລາງວັນ

1. ໃຊ້ 1 Token ເພື່ອໝຸນວົງລໍ້ 1 ຄັ້ງ
2. ລູກຄ້າມີສິດລຸ້ນຮັບລາງວັນໄດ້ ທຸກລາງວັນທີ່ສະແດງຢູ່ໃນວົງລໍ້
3. ຖ້າໄດ້ຮັບລາງວັນປະເພດ Coin, Point ຫຼື Token ລະບົບຈະເພີ່ມລາງວັນເຂົ້າກະເປົາໃນແອັບຂອງລູກຄ້າ ໂດຍອັດຕະໂນມັດ
4. ຖ້າໄດ້ຮັບລາງວັນປະເພດ ສິ່ງຂອງ ເຊັ່ນ ສາຍຄໍຄຳ, iPhone ຫຼື ລົດມໍເຕີໄຟຟ້າ ບໍລິສັດຈະຕິດຕໍ່ເພື່ອນັດໝາຍຮັບລາງວັນ ຫຼື ລູກຄ້າສາມາດຕິດຕໍ່ແອດມິນເພື່ອຂໍຮັບລາງວັນໄດ້ທັນທີ
5. ລູກຄ້າທີ່ໄດ້ຮັບລາງວັນຈະຕ້ອງ ຕິດຕໍ່ເພື່ອຢືນຢັນສິດຮັບລາງວັນພາຍໃນ 14 ມື້ ນັບຈາກວັນທີໄດ້ຮັບລາງວັນ ຖ້າເກີນກຳນົດ ຈະຖືວ່າ ສະຫຼະສິດໂດຍອັດຕະໂນມັດ

ກົດລະບຽບການເຊັກອິນປະຈຳວັນ ຮັບ Point ຟຣີ

1. ລູກຄ້າສາມາດເຊັກອິນເພື່ອຮັບ Point ໄດ້ ວັນລະ 1 ຄັ້ງ
2. ທຸກຄັ້ງທີ່ເຊັກອິນ ຈະໄດ້ຮັບ Point ຟຣີ ໂດຍຈຳນວນ Point ໃນແຕ່ລະມື້ ບໍ່ເທົ່າກັນ
3. ມື້ທຳອິດຈະໄດ້ຮັບ Point ນ້ອຍກວ່າ
4. ຍິ່ງເຊັກອິນຕໍ່ເນື່ອງ Point ທີ່ໄດ້ຮັບຈະຍິ່ງສູງຂຶ້ນ
5. ລູກຄ້າຈະຕ້ອງເຊັກອິນ ຕໍ່ເນື່ອງທຸກມື້ ຖ້າຂາດເຊັກອິນ ແມ່ນແຕ່ 1 ມື້ ລະບົບຈະນັບໃໝ່ ແລະ ກັບໄປເລີ່ມທີ່ ວັນທີ 1
6. Point ທີ່ໄດ້ຮັບຈາກການເຊັກອິນ ສາມາດນຳໄປ ສະສົມລວມ ໄດ້
7. ເມື່ອສະສົມຄົບ 100 Point ສາມາດແລກຮັບ 1 Token
8. ລູກຄ້າສາມາດໃຊ້ 1 Token ເພື່ອໝຸນວົງລໍ້ລຸ້ນລາງວັນໄດ້ 1 ຄັ້ງ

7. ເງື່ອນໄຂການຄືນເງິນໃຫ້ຜູ້ໃຊ້ງານ

• ໃນກໍລະນີທີ່ຜູ້ໃຊ້ງານດຳເນີນການຊື້ ແລະ ຊຳລະບິນຊ້າເກີນເວລາທີ່ກຳນົດ ລະບົບຈະຍົກເລີກບິນໂດຍອັດຕະໂນມັດ ແລະ ຄືນເງິນໄປຍັງບັນຊີທີ່ຜູ້ໃຊ້ງານໄດ້ໃຊ້ໃນການຊຳລະບິນ ພາຍໃນເວລາ 20:20 ນ. ຂອງວັນທີ່ຊຳລະບິນ
• ໃນກໍລະນີທີ່ລູກຄ້າຊື້ຫວຍ ແລະ ຊຳລະເງິນສຳເລັດແລ້ວ ແຕ່ບິນມີສະຖານະຖືກຍົກເລີກ ລະບົບຈະຄືນເງິນໄປຍັງບັນຊີທີ່ຜູ້ໃຊ້ງານໄດ້ໃຊ້ໃນການຊຳລະບິນ ພາຍໃນເວລາ 20:20 ນ. ຂອງວັນທີ່ຊຳລະບິນ

8. ເງື່ອນໄຂການລະງັບການໃຊ້ງານ

ບໍລິສັດຂໍສະຫງວນສິດໃນການລະງັບການໃຊ້ງານບັນຊີຜູ້ໃຊ້ງານຊົ່ວຄາວ ຫຼື ຖາວອນ ໂດຍບໍ່ຈຳເປັນຕ້ອງແຈ້ງໃຫ້ຊາບລ່ວງໜ້າ ຫາກພົບວ່າຜູ້ໃຊ້ງານມີພຶດຕິກຳເຂົ້າຂ່າຍຝ່າຝືນຂໍ້ກຳນົດ ເງື່ອນໄຂ ຫຼື ນະໂຍບາຍຂອງບໍລິສັດ ຕາມເງື່ອນໄຂດັ່ງຕໍ່ໄປນີ້

• ລະບົບພົບວ່າຜູ້ໃຊ້ງານມີຮູບແບບ ຫຼື ພຶດຕິກຳໃນການຊື້ທີ່ເຂົ້າຂ່າຍການແສວງຫາປະໂຫຍດຈາກລະບົບຂອງບໍລິສັດໂດຍບໍ່ຖືກຕ້ອງ

ໃນກໍລະນີທີ່ບໍລິສັດກວດພົບພຶດຕິກຳດັ່ງກ່າວ ບໍລິສັດຂໍສະຫງວນສິດໃນການຍົກເລີກລາຍການຊື້ ແລະ ລະບົບຈະດຳເນີນການຄືນເງິນຕາມຍອດທີ່ຊຳລະຈິງ ໄປຍັງບັນຊີທີ່ຜູ້ໃຊ້ງານໄດ້ໃຊ້ໃນການຊຳລະບິນ ໂດຍການຄືນເງິນຈະດຳເນີນການພາຍໃນໄລຍະເວລາ 7–14 ວັນເຮັດວຽກ ແລະ ຈະລະງັບສິດໃນການຊື້ຂອງຜູ້ໃຊ້ງານດັ່ງກ່າວ ຕາມໄລຍະເວລາທີ່ບໍລິສັດກຳນົດ ຫາກກວດພົບການກະທຳຊ້ຳ ລະບົບຈະລະງັບສິດໃນການຊື້ຂອງຜູ້ໃຊ້ງານດັ່ງກ່າວແບບຖາວອນ

ທັງນີ້ ບໍລິສັດຈະບໍ່ຮັບຜິດຊອບຕໍ່ຄວາມເສຍຫາຍ ຫຼື ຜົນກະທົບອື່ນໆ ທີ່ອາດເກີດຂຶ້ນຈາກການລະງັບການໃຊ້ງານ ແລະ ບໍລິສັດຂໍສະຫງວນສິດໃນການດຳເນີນການທາງກົດໝາຍຕາມຄວາມເໝາະສົມ

ບໍລິສັດຂໍສະຫງວນສິດໃນການປ່ຽນແປງ ຫຼື ປັບປຸງເງື່ອນໄຂ ຂໍ້ກຳນົດ ແລະ ນະໂຍບາຍ ໂດຍບໍ່ຈຳເປັນຕ້ອງແຈ້ງໃຫ້ຊາບລ່ວງໜ້າ ແລະ ຂໍ້ກຳນົດຂອງບໍລິສັດຖືວ່າເປັນທີ່ສິ້ນສຸດ